Egin sharýashylyǵyn saqtandyrýdyń jańa tetigi engizilmek

ASTANA. QazAqparat - Qazaqstanda egin sharýashylyǵynda mindetti saqtandyrýdyń jańa mehanızmderin engizý josparlanyp otyr. Bul týraly QR Aýyl sharýashylyǵy birinshi vıtse-mınıstri Arman Evnıev aıtty, dep habarlaıdy «QazAqparat» HAA tilshisi.

«Aımaqtyq shyqqan ónimniń ındeksi negizinde egin sharýashylyǵynda mindetti saqtandyrýdyń jańa mehanızmderin engizý kózdelýde. ıAǵnı, kommertsııalyq saqtandyrýshylar úshin teń sharttar jasalady. Saqtandyrý syıaqylaryn sýbsıdııalaý jolymen egin sharýashylyǵyndaǵy saqtandyrýdyń jańa mehanızmderin engizý AÓK sýbektterine qarjy bólýdi arttyrýǵa jol ashady», - deıdi Arman Evnıev Parlament Senatynda elimizdiń agroónerkásip kesheniniń ózekti máseleleri talqylanǵan otyrysta.

Vıtse-mınıstrdiń aıtýynsha, saqtandyrý polısi ekinshi deńgeıli bankterden qaryz alý kezinde laıyqty kepil bola bilýi kerek.

«Qazirgi ýaqytta zań jobasyn ázirleý jumysy júrgizilip jatyr. Biz esepterdiń, Búkilálemdik bank pen Ekonomıkalyq yntymaqtastyq pen damý uıymynyń keńesteri negizinde ındeksti saqtandyrý boıynsha suraqtardy taldap, talqylap jatyrmyz», - dep aıtty Arman Evnıev.