Egin oraǵyna jeńildetilgen baǵamen 410 myń tonna otyn jetkiziledi - A. Mamytbekov
ASTANA. 23 shilde. QazAqparat - Aýyl sharýashylyǵy taýarlaryn óndirýshilerge jeńildetilgen baǵamen 410 myń tonna otyn jetkiziledi.
Bul týraly búgin Úkimet otyrysynda QR Aýyl sharýashylyǵy mınıstri Asyljan Mamytbekov málim etti.
«Qazirgi kezde egin oraǵy naýqanyna daıyndyq bastaldy. Aýyl sharýashylyǵy taýarlaryn óndirýshilerdi dızeldik otynmen qamtamasyz etý máselesi sheshilýde. Osy oraıda Munaı jáne gaz mınıstrligimen birlese jaǵarmaımen qamtamasyz etý kestesi bekitildi. Jeńildetilgen baǵamen 410 myń tonna kóleminde dızeldik otyn jetkizý josparlanǵan»,-dedi mınıstr.
Onyń baǵasy kóktemgi egis kezindegi deńgeıde, ıaǵnı ortasha naryqtyń qunynan shamamen 10 paıyzǵa arzan bolady.
