Egin oraǵy ýaqtyly ári shyǵynsyz atqarylýy kerek - S. Ahmetov
ASTANA. 23 shilde. QazAqparat - Egin oraǵy ýaqtyly ári shyǵynsyz atqarylýy kerek. Búgin elimizdiń birinshi jartyjyldyǵyndaǵy áleýmettik-ekonomıkalyq damý qorytyndylary talqylanǵan Úkimet otyrysynda Premer-Mınıstr Serik Ahmetov osylaı málim etti.
«Aýyl sharýashylyǵy mınıstrligi óńir ákimderimen birlese otyryp, jıyn-terim naýqanyn ýaqtyly jáne shyǵynsyz oryndaýy kerek. Oraq naýqany aıasynda Munaı jáne gaz mınıstrligi óńirlerdi janar-jaǵarmaımen jetkilikti mólsherde qamtamasyz etýi tıis. Buny vıtse-premer Baqytjan Saǵyntaev erekshe baqylaýda ustaýy qajet», - dedi Úkimet basshysy.
