Egin oraǵy naýqanyna fermerlerge 126,2 myń tonna dızel otyny jóneltildi
ASTANA. QazAqparat - Kúzgi dala jumystaryn júrgizýge fermerlerge dızel otynynyń josparlanǵan kóleminiń 32 paıyzy jóneltildi. Bul týraly búgin Úkimet otyrysynda QR Aýyl sharýashylyǵy birinshi vıtse-mınıstri Qaırat Aıtýǵanov málim etti.
«Aǵymdaǵy jylǵy kúzgi dala jumystaryn júrgizý úshin dızel otynyna degen qajettilik 392 myń tonnaǵa jýyq. Atalǵan kólem tolyq deńgeıde bar. 10 tamyzdaǵy jaǵdaı boıynsha ónim berýshiler aýyl sharýashylyǵy taýaryn óndirýshiler úshin kúzgi dala jumystaryn júrgizýge 126,2 myń tonna, ıaǵnı, josparlaǵan kólemniń 32 paıyz dızel otynyn tıep jóneltti»,-dep naqtylady Q. Aıtýǵanov.
Onyń sózine qaraǵanda, aýyl sharýashylyǵy taýarlaryn óndirýshilerge arnalǵan arzandatylǵan dızel otynynyń ortasha quny lıtrine óńirlerde 92 teńgeni qurap otyr. Bul óz kezeginde naryqtaǵy baǵadan 15-17 paıyzǵa arzan.
