Egin naýqanyna dızeldik otyn naryq baǵasynan 10 paıyzǵa tómendetilip jetkizilýde
ASTANA. 28 tamyz. QazAqparat - Elimizdegi egin oraǵy naýqanyna qatysty sharýalarǵa dızeldik otyn baǵasy naryqtaǵydan 10 paıyzǵa deıin tómendetilip jetkizilýde. Bul týraly búgin Aýyl sharýashylyǵy mınıstrliginde ótken brıfıng barysynda málim boldy.
Keltirilgen málimetterge qaraǵanda, jalpy naýqan barysyna barlyq óńirlerge 410 myń tonna janarmaı bólingen. Bunyń 200 myń tonnaǵa jýyǵy kásiporyndarǵa úlestirilip úlgergen. «Dızel otynynyń lıtrlik baǵasy - 81 teńge. Bul naryqtaǵy baǵamen salystyrǵanda shamamen 10 paıyzǵa tómen kórsetkish. Bundaı qoldaý bıznesti qanaǵattandyrady, sonymen qatar, bunda eshqandaı da dúrligý oryn alyp otyrǵan joq», - deıdi Aýyl sharýashylyǵy mınıstrliginiń jaýapty hatshysy Evgenıı Aman.
Onyń aıtýynsha, birqatar óńirler qýańshylyqqa baılanysty dızeldik otynnyń qosymsha mólsherin arzandatyp berýdi suraǵan. Bul negizinen jemshóp ázirleý jumystaryna qatysty bolyp otyr. «Atalǵan másele búgingi tańda qaralý ústinde», - dedi jaýapty hatshy.
