Egin egý naýqanynyń sozylýy astyqtyń kesh pisip-jetilýine ákelýi múmkin - Aýyl sharýashylyǵy vıtse-mınıstri S. Omarov

ASTANA. QazAqparat - Mamyr aıynda jaýǵan jaýyn-shashyn kóp jyldyq ortasha normadan úsh esege asyp otyr. Bul týraly búgin baspasóz máslıhatynda QR Aýyl sharýashylyǵy vıtse-mınıstri Saparhan Omarov málim etti.

«Jańbyrdyń mol bolýy, kóktemniń uzaqqa sozylýy soltústik, ortalyq jáne batys aımaqtarda egin egýdi ońtaıly merzimde aıaqtaýdy qıyndatýda. Mamyr aıynda jaýǵan jaýyn-shashyn kóp jyldyq ortasha normadan úsh esege asyp otyr»,-dedi mınıstrdiń orynbasary.

Osy oraıda ol egin egý naýqanynyń sozylýy dándi jáne maıly daqyldardyń kesh pisip-jetilýine, egin orý jumystarynyń kúzgi jańbyr kezeńine sáıkes kelýi múmkin ekenin atap ótti.

«Munyń saldarynan ylǵal dánniń úlesi artýynan elevatorlar astyqty ýaqtyly qabyldap, keptirip, sondaı-aq óńdeýdi tıisti deńgeıde qamtamasyz etý almaýy yqtımal»,-dedi S. Omarov.