Egin egetin negizgi óńirlerde astyq saqtaıtyn qoımalardyń jetispeýshiligi 1,5-2 mln. tonnaǵa jetýi múmkin - A. Mamytbekov
TANA. 22 tamyz. QazAqparat /Rýslan Ǵabbasov/ - Egin egetin negizgi óńirlerde astyq saqtaıtyn qoımalardyń jetispeýshiligi 2 mln. tonnaǵa jetýi múmkin.
Bul týraly búgin selektorlyq rejımdegi Úkimet otyrysynda Aýyl sharýashylyǵy mınıstri Asyljan Mamytbekov málim etti.
«Qazirgi kezde egin oraǵy naýqanynda astyq qabyldaý kásiporyndaryndyń daıyndyǵy barynsha atqarylyp jatyr. Búginde lıtsenzııalanǵan 214 astyq qabyldaıtyn kásiporyndardyń 197-si saqadaı saı tur. Daıyndyq jumystarynyń aıaqtalýy kestesine sáıkes tamyzdyń úshinshi onkúndiginde barlyq lıtsenzııalardy tolyǵymen tapsyrý josparlanyp otyr», - dedi mınıstr.
Vedomstvo basshysynyń paıymdaýynsha, astyqtyń bıylǵy joǵary shyǵymdylyǵyn eskere otyryp, egin egetin negizgi óńirlerde astyq saqtaıtyn qoımalardyń jetispeýshiligi 1,5-2 mıllıon tonnany quraýy múmkin. «Osyǵan baılanysty memlekettik resýrstaǵy soltústik óńirdegi astyqty basqa aımaqtardyń elevatorlaryna kóshirý máselesin sheshý kerek», - dedi A. Matytbekov. Osy oraıda ol bul másele búgin memlekettik komıssııanyń qaraýyna usynylatynyn atap ótti.
