«Egilmegen joǵary synyp oqýshylary mektepke jiberilmeıdi» - feık

NUR-SULTAN. QazAqparat – Telegram messendjerinde Qaraǵandy mektepteriniń birinde vaktsına almaǵan joǵary synyp oqýshylary mektepke jiberilmeıtini týraly aqparat tarady. Qaraǵandy oblysynyń Bilim basqarmasy muny joqqa shyǵardy, dep habarlaıdy QazAqparat stopfake.kz saıtyna silteme jasap.

«Búgin Qaraǵandydaǵy gımnazııalardyń birinde vaktsına almaǵan oqýshylar mektepke kirgizilmeıtini týraly habarlandyrý taratty. Olar (sońǵy synyptar) mektepte de, qashyqtan da emtıhandarǵa konsýltatsııalar ala almaıtyny tipte ashý týdyrady. Balalardyń quqyǵy nelikten buzylyp otyr? Bul úshin kim jaýapty?», - delingen ınternette taraǵan habarlamada.

«Bul aqparat shyndyqqa janaspaıdy. Koronavırýs ınfektsııasyna qarsy vaktsınatsııa erikti túrde jáne egilýshiniń aqparattandyrylǵan kelisimimen ǵana júrgiziledi. Qazaqstan Respýblıkasynyń Halyq densaýlyǵy jáne densaýlyq saqtaý júıesi týraly kodeksiniń 77-babyna sáıkes, Qazaqstan Respýblıkasy azamattarynyń profılaktıkalyq vaktsına alýdan bas tartýǵa quqyǵy bar. Vaktsınatsııa júrgizý aldynda egilýshige mindetti túrde tekserý júrgiziledi. Medıtsınalyq qarsy kórsetilimder bolǵan jaǵdaıda vaktsınatsııa saýyqqanǵa deıin keıinge qaldyrylady», – dep habarlady Qaraǵandy oblystyq Bilim basqarmasynyń baspasóz qyzmetinen.