Egeı teńizinde bir túnde 42 mıgrant batyp ketti
ASTANA. QazAqparat - Ótken túnde Egeı teńizinde Eýropa jaǵalaýyna jetpek bolǵan eń kemi 42 adam ajal qushty.
Qaıyqtardyń biri shaǵyn grekııalyq Kalolımnos aralyǵynyń jaǵalaýynda aýdaryldy: 34 adam qaza tapty, onyń 11 bala.
Taǵy 8 adam Farmakonısı aralynyń mańynda qaıyqtyń batýy saldarynan kóz jumdy, dep habarlady Bı-bı-sı.
Ótken jyly Eýropaǵa mıllıonnan astam mıgrant keldi. Túrkııadan Grekııaǵa deıingi jolda 700-den astam adam kóz jumdy. Juma kúni Germanııa kantsleri Angela Merkel jaǵdaıdy talqylaý úshin Berlınde túrik premeri Ahmet Davotoglýmen kezdesý ótkizedi.
Jýyrda Frantsııanyń premer-mınıstri Manýel Vals eýropalyq kóshi-qon daǵdarysy Eýroodaqty joıylý qaýpine qoıǵanyn eskertti. M. Vals Eýropa Irak pen Sırııadaǵy soǵystan qashqan bosqyndardyń barlyǵyn qabyldaı almaıtynyn aıtty.
