Eger munaı baǵasy 50 dollardan túsip ketse, teńge baǵamy birtindep túzetilýi múmkin - Ulttyq bank
ASTANA. QazAqparat - Eger munaıdyń ortasha jyldyq baǵasy barreline 50 dollardan túsip ketse, teńge baǵamy birtindep túzetilýi múmkin. Bul týraly búggin OKQ brıfınginde QR Ulttyq bank tóraǵasy Qaırat Kelimbetov aıtty.
Onyń aıtýynsha, eger munaı baǵasy 50-60 dollar aralyǵynda bolsa, onda Ulttyq qorǵa túsetin túsimder shyǵyndardan kóbirek bolady. Ulttyq bank aldaǵy úsh jylda Ulttyq qordyń ájeptáýir ósimin de kútip otyr.
«Eger munaı baǵasy 50 dollardan tómen túsip ketse jáne tıimsiz stsenarııler oryn alyp jatsa, onda aıyrbas kýrsynyń birtindep ózgertilýi, sonymen qatar, aıyrbas kýrsy dáliziniń keńeıtilýi de múmkin», - dep túsindirdi UB tóraǵasy.
Onyń aıtýynsha, qazirgi kezdegi valıýtalyq dáliz bizge teńge baǵamyn 1 dollarǵa shaqqanda 185 teńge shamasynda ustap turýǵa múmkindik beredi.
