«Eger 50 kúnde Ýkraına boıynsha mámile jasalmasa...»: Tramp Reseıdi sanktsııamen qorqytty
ASTANA. KAZINFORM – Eger 50 kún ishinde Máskeý men Vashıngton Ýkraına boıynsha esep aıyrysýǵa kelispese, Vashıngton ákimshiligi Reseıge jáne onyń saýda seriktesterine qatysty shamamen 100% ımporttyq baj salyǵyn engizýge nıetti. Bul týraly AQSh prezıdenti Donald Tramp málim etti, dep habarlaıdy TASS.
– Biz olarǵa (Reseı tarapyna) rıza emespiz jáne eger mámile 50 kún ishinde jasalmasa, óte qatań baj salyǵyn engizemiz. Shamamen 100%. Olardy qaıtalama baj dep ataýǵa bolady. Men eki aı buryn mámile jasaımyz dep oıladym, - dedi ol Aq úıde NATO Bas hatshysy Mark Rıýttemen kezdesýde.
Aıta keteıik, AQSh prezıdenti Donald Tramp pen Ýkraına prezıdenti Vladımır Zelenskıı telefon arqyly sóılesip, Ýkraınaǵa áýe shabýylyna qarsy qorǵanys (ÁShQQ) júıelerin jetkizý máselesin talqylady