Egemendik jyldarynda Qazaqstanda 20 teatr ashyldy – Memleket basshysy

NUR-SULTAN. QazAqparat – Egemendik jyldarynda Qazaqstanda 20 teatr ashyldy. Bul týraly Táýelsizdiktiń 30 jyldyǵyna arnalǵan saltanatty is-sharada QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Al ult saýlyǵyn saqtaý úshin memleketimizde buqaralyq sportpen jáne dene shynyqtyrýmen aınalysýǵa jaǵdaı jasalýda. Elimizde 38 sport nysany boı kóterdi, 8 myńǵa jýyq sport alańy salyndy», - dep atap ótti QR Prezıdenti.

Memleket basshysy Táýelsizdik kezeńinde tól mádenıetimiz jańa sapalyq deńgeıge kóterilip, qaıta órleý kezeńine qadam basqanyn atap ótti.

«Aýqymdy «Mádenı mura» baǵdarlamasy júzege asyryldy. Kóptegen qundy jádigerimiz eldiń ıgiligine aınaldy. Tarıhı-mádenı muralar ınfraqurylymy birtindep keńeıtilýde. 9 memlekettik qoryq-mýzeı quryldy. Úzdik ádebı týyndylarymyz alǵash ret álem tilderine aýdaryldy. Egemendik jyldarynda Qazaqstanda 20 teatr ashyldy. Ult kınosy álemge tanyla bastady. Qazaq mádenıetiniń jańa shoǵyry áıgili sahnalarda óner kórsetýde»,- dedi Qasym-Jomart Toqaev.