Egemendik jolynda qurban bolǵandardyń rýhyna taǵzym etemiz - Máýlen Áshimbaev
«Qurmetti dostar!
Barshańyzdy Táýelsizdik kúnimen shyn júrekten quttyqtaımyn!
Bul kún – elimizdiń eń ulyq merekeleriniń biri jáne azattyǵymyz ben erkindigimizdiń sımvoly.
Shyn máninde, memleketimizdiń búginge deıin jetken jetistikteriniń bári osy Táýelsizdiktiń jemisi. Táýelsizdiktiń arqasynda biz demokratııaly, quqyqtyq jáne ekonomıkalyq memleket qurý jolynda naqty qadamdar jasap kelemiz.
Memleket basshysy Qasym-Jomart Kemeluly Toqaev Ulttyq quryltaıdyń alǵashqy otyrysynda bul mereke táýelsizdik alýǵa zor úles qosqan ulttyq batyrlarymyzǵa taǵzym kúni retinde atap ótilýi kerektigin aıtqan edi. Ótkenge salaýat aıtý bizdiń qanymyzǵa sińgen qasıet. Sol sebepti, osy kúnderde biz eldik pen egemendik jolynda qurban bolǵandardyń rýhyna taǵzym etip, ult muraty úshin eseli eńbek etken jandardyń ónegeli ómirin dáripteýge basa mán beremiz», - dep jazdy Senat Tórraǵasy.
Sondaı-aq, ol aldaǵy ýaqytta Táýelsizdik kúniniń máni budan da tereńdeı túsetinin, halqymyz úshin bul meıramnyń qashanda orny bólek, mańyzy zor bolyp qala beretinin atap ótti.
«Barshańyzdy qasterli merekemen quttyqtaı otyryp, ár shańyraqqa shattyq, elimizge amandyq, jerimizge tynyshtyq tileımin!
Táýelsizdigimiz nyǵaıyp, eldigimiz asqaqtaı bersin!
Mereke qutty bolsyn!» dep túıdi sózin Máýlen Áshimbaev.
Foto:senate.parlam.kz
