Egemen Qazaqstan latyn álipbıine kóshýge daıyn - Darhan Qydyráli
«Rýhanı jańǵyrý» baǵdarlamasyn el arasynda taratýǵa úles qosyp, úlken nasıhat jumysyn júrgizip kelemiz. Ózderińiz bilesizder, 2 myńnan astam materıal jaryq kórse, sonyń jartysy latyn álipbıine baılanysty boldy. Biz tek nasıhattap qana qoımaı, úlgi kórsetý jóninde sheshim qabyldadyq. Qazirgi kezde baǵandarymyz latyn álipbıimen shyǵyp otyr. Endi «Rýhanı jańǵyrý» aıdarymen shyǵatyn tutas betti latyn álipbıimen bere bastaımyz. Al ereje bekitilgennen keıin gazetti latyn álipbıine tolyq kóshirýge daıynbyz», - dedi Darhan Qydyráli.
Onyń aıtýynsha, gazettiń saıty aǵylshyn, orys tilderinde qyzmet kórsetedi. Buǵan qosa, aýdıo nusqasy da iske qosylǵan. Munan bólek vıdeo kontentke de basa nazar aýdarylyp, bıyldan bastap «Egemen TV» arnasy ashyldy. Onda «Stadıon», «Órnek», «Ekonomıka», «Bilim», «Jastar» dep atalatyn baǵdarlamalar bar.
«Jalǵasyn tabatyn taǵy bir jobamyz - «Egemen akademııa». Birinshi kezeń óte sátti aıaqtaldy. Tańdaýly jastarymyz 14 arnaıy dáristen ótti. Ekinshi kezeńdi qyrkúıekte bastaımyz. Oǵan da jas tálimgerlerdi shaqyramyz. Sonymen qatar, mınıstrliktiń tapsyrmasymen áriptes ujymdardy, óńirlik, oblystyq, aýdandyq salalyq basylymdardyń basshylary men tilshilerin «Egemen Qazaqstanmen» tájirıbe almasýǵa shaqyrǵan bolatynbyz. Qyrkúıek aıynda jobamyz bastalady. Atap aıtqanda, erteń Syr boıynan qyzylordalyq áriptesterimiz kele jatyr. Al 17 qyrkúıek kúni «Shyǵys-aqparattyń» mamandary keledi. Osylaısha búkil oblys, aýdandardaǵy tilshiler, basshylar «Egemen Qazaqstanmen» tájirıbe almasady». - dedi ol.
Darhan Qydyráli kelesi jyly elimizdiń bas basylymy 100 jyldyq mereıtoıyn atap ótetinin jetkizdi.
«Biz oǵan úlken daıyndyqpen kelemiz. Sonyń biri -100 jyldyq gazet nusqasyn tsıfrlyq júıege kóshirdik. Bul jumys aıaqtaldy. Jaqynda biz ony óz saıtymyzǵa ornalastyramyz. Osy arqyly el tarıhynyń jylnamasy, shejiresi ispetti Egemende jaryq kórgen materıaldar oqyrmanǵa jol tartady», - dedi ol.
