Egemen memleketterdiń ajyramas quqyǵy retinde beıbit ıadrolyq baǵdarlamalardy damytý - olardyń jan-jaqty damýy úshin mańyzdy tezıs - Jeńis Jotabaev
STANA. Sáýirdiń 6-sy. QazAqparat - Elbasy Nursultan Nazarbaevtyń «Izvestııa» gazetinde jarııalanǵan «Alyp aýqymdy álem jáne ıadrolyq qaýipsizdik» atty maqalasynda kóterilgen jahandyq álemdegi ıadrolyq qaýipsizdik máseleleri búginde asa ózekti jáne der kezinde qozǵalyp otyr. Óıtkeni, álemdik qoǵamdastyqtyń ıadrolyq qaýipsizdikti qamtamasyz etýdegi kúsh-jigeri áli de jetkiliksiz jáne adamzatty áskerı ıadrolyq apat qaýipsizdiginen kepildendirýde onsha tıimdi emes.
Ulttyq ıadrolyq ortalyqtyń bas ǵylymı qyzmetkeri, ǵylym men tehnıka salasyndaǵy QR Memlekettik syılyǵynyń laýreaty, fızıka-matematıka ǵylymdarynyń doktory, professor Jeńis Jotabaev osyndaı pikir bildirdi.
N.Á.Nazarbaevtyń ıAdrolyq qarýdy taratpaý jóninde jalpyǵa ortaq gorızontaldy jáne vertıkaldy jańa ámbebap kelisimdi jasaý jáne áskerı maqsatta tutandyrýshy materıaldar óndirisine tyıym salý týraly shartty tezirek qabyldaý jónindegi usnystary jan-jaqty qoldaýǵa laıyq, dep atap ótti J.Jotabaev.
Egemen memleketterdiń ajyramas quqyǵy retinde beıbit ıadrolyq baǵdarlamalardy damytý - olardyń jan-jaqty damýy úshin mańyzdy tezıs. Bul oraıda ıadrolyq qarýlary jáne ıadrolyq arsenaly bar elder ǵana basym bolmaýy tıis.
«Qazaqstan ıadrolyq qarýlardy taratpaý rejimin dáıekti qoldaýmen qatar ekonomıkany jáne halyqtyń ıgiligin arttyrý úshin beıbit maqsatta ǵana atom energııasyn paıdalanýdy damytýy tıis
N.Á.Nazarbaevtyń osy maqalada qozǵaǵan máseleleri jáne onyń jańa bastamalaryn álemdik qoǵamdastyq oı elegin ótkizedi jáne Vashıngtonda ótetin aldaǵy Jahandyq sammıtte jan-jaqty jáne tereń talqylanady, búkil álemde ıadrolyq qaýipsizdikti qamtamasyz etý úshin naqty sheshimder qabyldaýǵa jol ashady dep senemin», dedi J.Jotabaev óziniń túsindirmesinde.
