«Egemen Qazaqstan» jáne «Kazahstanskaıa pravda» gazetterinde bilim berý granttary ıegerleriniń tizimi jarııalandy

Aıta keteıik, elimizdiń Bilim jáne ǵylym mınıstrliginiń derekterine sáıkes, aǵymdaǵy jyly 91 018 talapker UBT tapsyrǵan. Kúni keshe 2011-2012 oqý jylyna bilim berý granttaryn taǵaıyndaý boıynsha respýblıkalyq komıssııa óz jumysyn aıaqtap, baǵy janǵan 32946 adamǵa memlekettik bilim grantyn belgiledi. Respýblıkalyq komıssııa bilim granttarynyń 3003-in «Altyn belgi» ıelerine, 628-in halyqaralyq, respýblıkalyq olımpıadalardyń jáne ǵylymı jarystardyń jeńimpazdaryna, 409-yn sporttyq jarystardyń jeńimpazdaryna, 509-yn jetim jáne ata-ana qamqorlyǵynsyz qalǵan balalarǵa, 236-syn 1,2 toptaǵy múgedekter men múgedek-balalarǵa, 16 594-in aýyl jastaryna, 723-in qazaq dıpasporasynyń ókilderine berdi.

Budan bólek daıyndyq bólimderine 2275, Nazarbaev Ýnıversıtetine 500, M.Lomonosov atyndaǵy Máskeý memlekettik ýnıversıtetiniń Qazaqstandaǵy fılıalyna 125, H.ıAssaýı atyndaǵy halyqaralyq qazaq-túrik ýnıversıtetine 200 grant bólinip otyr, barlyǵy 36046 grant óz ıelerin tapty.