Egemen Qazaqstan: Ulyq is ult tańdamaıdy
ASTANA. QazAqparat - «Egemen Qazaqstan» gazetiniń búgingi dúısenbilik sany Elbasynyń «Qazaqstannyń 100 jańa esim» jobasynyń jeńimpazdarymen júzdesýi týraly Arnur Asqardyń kólemdi maqalasymen ashylǵan. Onda el jadynda jattalatyn 100 esimniń barlyǵyna bolmasa da birazyna toqtalyp, elden erek qabileti týraly aıtylady.
Sonymen birge Gúlzeınep Sádirqyzynyń «Atameken» - El men Erdiń shejiresi» atty maqalasynda Tuńǵysh Prezıdent kúnine oraı Elbasynyń týǵan jeri Shamalǵanda ashylǵan mýzeı jaıynda baıandalady. Onda Elbasynyń balalyq shaǵynan búginge deıingi aıryqsha kezeńderdi eske salatyn asa mańyzdy eksponattar jaıynda egjeı-tegjeıli sóz etedi.
Gazettiń sport beti qyzyqty shyqqan. Ermuhamed Máýlenniń «Álem chempıonaty: qarsylastar anyqtaldy» maqalasy Máskeýdegi Kremlde ótken jerebe tartý jaıynan bastap aıtýly dodada túsetin komandalardyń múmkindikteri týraly da aıtady. Baǵdarly boljamdardy da oqı alasyz. Sondaı-aq, jýrnalıst Ǵalym Qojabekovtyń áıgili sportshy Marat Asaıynov jaıynda jazǵan «Sombilek» maqalasy óte áserli.
Arnaıy baǵanda Jaqsybaı Samrattyń «Ulyq is ult tańdamaıdy», Dýman Anashtyń «Dári-dármektegi jańa júıe dátke qýat pa?» maqalasy jaryq kórgen. Áleýmettik mańyzdy máselelerdi kótergen bul maqalalardyń oqyrmandarǵa bereri mol ekeni daýsyz.
Sonymen birge gazetten Qazbek Quttymuratulyń «Iranda qazaq qoıyn unatady» maqalasyn, Gúlnur Qýanyshbekqyzynyń «Reseı saıası naýqan qarsańynda» qysqasha saraptamalyq sholýyn oqısyzdar.
