«Egemen Qazaqstan» shetelde menshikti tilshiler ustamaq
ASTANA. QazAqparat - «Egemen Qazaqstan» gazetiniń shetelde menshikti tilshiler bolady. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte «Egemen Qazaqstan» respýblıkalyq gazeti» AQ basqarma tóraǵasy Darhan Qydyráli málim etti.
«Biz saraptamalardy, jýrnalıstik reportajdardy kóbirek berýge tyrysamyz. Qazir de berip júrmiz. Osy bir aıdyń ishinde «Egemen Qazaqstanda» jarııalanǵan materıaldardy frantsýzdar, nemister, túrikter aýdaryp basty. Mysaly. Túrkııannyń «Vatan» syndy saıttary Egemenge silteme jasaı otyryp, bizde shyqqan arnaıy zertteý jáne saraptamalyq materıaldardy aýdaryp basty. Bul da Egemenniń jańalyǵy dep oılaımyn»,- dedi ol.
Sonymen qatar basylym basshysy shetelderde turaqty menshikti tilshiler ustaý josparlanyp otyrǵandyǵyn atap ótti.
«Bul úshin Syrtqy ister mınıstrligimen, Elshiliktermen jumys jasaýdamyz. Sonymen qatar «Bolashaq» baǵdarlamasymen shetelde jýrnalıstka salasynda oqyp júrgen jastardy da osyǵan tartý kózdelgen»,- dedi D.Qydyráli.
