«Egemen Qazaqstan» saıty 2017 jyldan bastap orys jáne aǵylshyn tilderinde aqparat taratpaq
ASTANA. QazAqparat ««Egemen Qazaqstan» saıty 2017 jyldan bastap orys jáne aǵylshyn tilderinde aqparat taratpaq. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte «Egemen Qazaqstan» respýblıkalyq gazeti» AQ basqarma tóraǵasy Darhan Qydyráli málim etti.
D.Qydyráli qazirgi ýaqyt jedel aqparat zamany bolǵandyqtan, gazettiń ınternet-saıtyn damytýǵa da aıryqsha kóńil bólinetindigin atap ótti.
«Osyǵan oraı birqatar josparymyz da bar. Atap aıtsaq, saıttyń kózi nashar kóretinderge arnalǵan nusqalaryn ashý, aýdıo-vıdeo qosymshalaryn engizý, mýltımedıalyq múmkindikterin arttyrý syndy jumystardy qolǵa alýdy josparlap otyrmyz», - dedi ol.
Sonymen qatar basqarma tóraǵasy 2017 jyldan bastap saıttyń orys jáne aǵylshyn tildirendegi nusqasy iske qosylatyndyǵyn atap ótti.
«Oǵan daıyndyǵymyz bar. Bul bir jaǵynan EKSPO-ǵa bizdiń syıymyz bolmaq. Jalpy, jedel ári senimdi aqparattyq portalǵa aınalýdy kózdep otyrmyz», - dedi D.Qydyráli.
