«Egemen Qazaqstan» gazetiniń erteńgi jáne osydan 10 jyldan keıingi de jospary bireý - ol elge qyzmet etý - Saýytbek Abdrahmanov
A. Jeltoqsannyń 23-i. QazAqparat /Rýslan Ǵabbasov/ - «Egemen Qazaqstan» gazetiniń erteńgi jáne osydan 10 jyldan keıingi de jospary bireý - ol elge qyzmet etý. Bul týraly búgin Astanada «Egemen Qazaqstan» respýblıkalyq gazeti» AQ-nyń prezıdenti Saýytbek Abdrahmanov málim etti,
dep habarlaıdy QazAqparat.
Aıta keteıik, búgin Elbasy Nursultan Nazarbaev «Egemen Qazaqstan» gazetiniń ujymyn basylymnyń 90 jyldyǵymen quttyqtap, atalǵan basylymǵa tıesili jańa ǵımarattyń ashylýy saltanatyna qatysty.
«Egemen Qazaqstan» gazetiniń erteńgi de, búrsúgingi de, osydan 10 jyldan keıingi de jospary bireý - ol elge qyzmet etý. Bul baǵyttaǵy bizdiń jumysymyzda jekelegen ózgerister, túzetýler bolýy múmkin. Biraq, gazettiń jalpy baǵyt-baǵdary jóninde Elbasy bergen baǵaǵa súıensek, halyqtyń taralymdy kóbeıtý boıynsha bergen baǵasyna qarasaq - gazettiń baǵyty durys dep biz senimmen aıta alamyz», dedi S. Abdrahmanov.
«Egemen Qazaqstan» óziniń 90 jyldyq torqaly toıyn atap ótti. Bul toıdyń erekshe qadir-qasıeti gazetimizdiń mereıli merekesine Memleketimizdiń basshysy kelip, bizdiń jańa ǵımaratymyzdy ashyp bergindigi. Biz bul toıǵa aldyn ala, kópten oılastyryp daıyndaldyq dep aıta alamyn», dedi ol.
S. Abdrahmanovtyń aıtýynsha, osy jańa 8 qabatty ǵımarattyń janynda qazirgi kezde jas otbasylarǵa arnalǵan jataqhana salynyp jatyr. Búginde bul qurylys nysanynyń 2-3 aılyq árleý jumystary ǵana qalǵan.
Búgin Elbasy gazet ujymyn 90 jyldyqpen quttyqtaý aıasynda «Arna Medıa» holdıngi quramyna kiretin buqaralyq aqparat quraldarynyń basshylaryna suhbat bergenine toqtalǵan ol, «suhbatta kóptegen máseleler qozǵaldy. Onda dál qazir eldi, qazaq qoǵamyn, zııaly qaýymdy tolǵandyryp otyrǵan ótkir máseleler qozǵaldy. Solardyń barlyǵyna Prezıdent naqty tapsyrmalar berdi», dedi.
