«Egemen Qazaqstan» gazetiniń búgingi sanynda...
ASTANA. QazAqparat - «Egemen Qazaqstan» gazetiniń dúısenbi kúngi sanyna Aleksandr Vınokýrovtyń suhbaty shyqty. «Astana» Pro Tım velokomandasynyń bas menedjeri Ermuhamed Máýlenge bergen suhbatynda bıylǵy maýsymdy ortasha ótkizdik dep jaýap berdi. Mıkele Skrponıdiń qazasy bolmaǵanda nátıjeler odan da myqtyraq bolatyn edi deıdi ataqty veloshabandoz.
Suhbatta Vınokýrov 2018 jyly komanda qandaı qurammen óner kórsetetini jaıly da sóz qozǵaǵan. Keler jyldyń tanystyrylym rásimi 8-jeltoqsan kúni Astana qalasynda ótedi dep málimdegen.
Sonymen qatar, sport aıdarynda Shymkent qalasynda ótken bokstan Qazaqstan chempıonatynda oryn alǵan óreskel qateler jaıly da maqala shyqty. «Saıypqyrandar atoı salǵan chempıonat» atty maqalada tóreshiler tarapynan ketken qatelikter ashyq aıtylǵan.
13-qarasha kúngi sannan Ashat Raıquldyń «Kespebaıdyń «Doshıraktan» nesi kem?» degen maqalasy jaryq kórdi. Otandyq ónimniń tez arada tutynýshylar arasynda bedelge ıe bolyp, keń suranystyń arqasynda shetten keletin taýarlardy yǵystyryp jatqany jaıly baıandalǵan.
