«Egemen-Cup» týrnıriniń jeńimpazdary men júldegerleri anyqtaldy

ASTANA. QazAqparat - "Egemen Qazaqstan" gazetiniń 98 jyldyǵyna jəne Təýelsizdiktiń 26 jyldyǵyna oraı elordadaǵy "Astana Arena" sport kesheninde BAQ ókilderi arasynda shaǵyn fýtboldan ótken "Egemen-Cup" týrnıriniń jeńimpazdary belgili boldy, dep habarlaıdy egemen.kz .

"Egemen Qazaqstan" 18 komanda qatysqan jarystyń nátıjesi boıynsha birinshi oryn "Habar" komandasyna buıyrdy. Ekinshi oryndy "Elorda Aqparat", úshinshi oryndy "Qazmedıa" komandasy aldy. Sonymen qatar "Elorda Aqparat" komandasynyń oıynshysy Azamat Nurmatov "Úzdik qaqpashy", "Egemen Qazaqstan" komandasynyń oıynshysy Erkebulan Aldabergenov "Úzdik qorǵaýshy" dep tanyldy. "Úzdik shabýylshy" marapaty Ádilbek Jaqanovqa, "Úzdik oıynshy" Nursultan Qabylbekke, "Kórermen kózaıymy" Berik Ýálıge berildi. "Aqmeshit" komandasyn bastap kelgen Erjan Baıtiles "Úzdik bapker" nomınatsııasyn, Ǵalym Qojabek "Belsendi jankúıer" nomınatsııasyn jeńip aldy.