Egde jastaǵy júrgizýshiler úshin yńǵaıly mashınalar belgili boldy
ASTANA. QazAqparat - Amerıkalyq sarapshylar egde jastaǵy júrgizýshilerge yńǵaılyraq kólikterdiń tizimin qurdy.
Atap aıtqanda, bul reıtıngte jańa mashınalardan bólek, naryqqa 10 jyl buryn shyqqan modelder de qamtylǵan.
Tizimdi jasaý kezinde jan-jaǵy jaqsy kórinetin kólikter, júrgizýshi oryndyǵynyń jaılylyǵy, turaqtandyrý júıesi, sondaı-aq elektronıkany basqaratyn batyrmalardyń úlkendigi jáne kóliktiń basqa da sıpattamalary eskerildi.
Osy oraıda egde jastaǵy júrgizýshiler úshin úzdik modelderdiń reıtıngi bylaı qalyptasty:
1. Chevrolet Impala (2014)
2. Chrysler 300 (2011 - 2014)
3. Honda Accord (2008 - 2014)
4. Honda Odyssey (2011 - 2014)
5. Kia Soul (2014)
6. Lexus RX (2004 - 2015)
7. Subaru Forester (2009 - 2015)
8. Toyota Avalon (2005 - 2012)
9. Toyota Camry (2007 - 2014)
10. Toyota Highlander (2004 - 2014)
