Egde jastaǵy jandardyń este saqtaý qabiletiniń nasharlaýy tiske de baılanysty
ASTANA. QazAqparat - Zertteýge 60 jáne odan joǵary jastaǵy 3166 erikti adam qatysty. Onyń barysynda ǵalymdar qatysýshylardyń este saqtaý qabileti men qozǵalys jyldamdyǵyn taldaýdan ótkizdi.
Zertteý qorytyndylary barlyq tisterinen aıyrylǵan adamdardyń este saqtaý qabileti tisteri saqtalǵandarǵa qaraǵanda 10 paıyzǵa nashar ekenin kórsetti, dep habarlaıdy Planet Today. Bul rette ǵalymdar tisteri joqtardyń este saqtaý qabiletiniń tómendeýine qosa, qımyl-qozǵalysy da tisteri barlarǵa qaraǵanda 10 paıyz kem ekenin atap ótken.
Zertteýshiler sondaı-aq, olardyń áleýmettik jáne demografııalyq jaǵdaıyn, densaýlyǵyn, temeki shegý, alkogoldik ishimdik ishý sııaqty faktorlardy da eskerdi. Teris faktorlarǵa qaramastan tisteri az adamdar baıaý qozǵalatyndyǵy, este saqtaý qabileti nashar ekendigi anyqtaldy.
