Egde jastaǵy ury jáne gaýhartas tonaýshy: elordada birneshe qylmys ashyldy
NUR-SULTAN. QazAqparat - Elorda polıtsııasy ótken táýlikte birqatar urlyqty anyqtady, dep habarlaıdy QazAqparat Nur-Sultan qalasy PD baspasóz qyzmetine silteme jasap.
Jedel-izdestirý sharalary barysynda polıtsııa qyzmetkerleri 70 jastaǵy zeınetkerdi ustady. «Kafede bolǵan kezde qart adam qasynda otyrǵan bir otbasynyń ústelge uıaly telefondaryn qoıǵanyn kórgen. Shyǵyp bara jatyp, ol óziniń áreketin eshkimniń kórmegenin baıqap, ústel ústinde jatqan jalpy quny 150 myń teńgelik eki uıaly telefondy jymqyryp ketti», - delingen habarlamada.
Buryn urlyq jasaǵany úshin sottalǵan zeınetker bul qylmysyn moıyndady. Kúdiktige qatysty sotqa deıingi tergeý amaldary júrgizilýde. Urlanǵan telefondar tárkilenip, ıesine qaıtaryldy. Sonymen qatar polıtseıler qymbat zergerlik buıymdardy qoldy etken 33 jastaǵy urlyqshyny ustady.
Atalǵan fakti boıynsha QR QK 188-baby («Urlyq») boıynsha sotqa deıingi tergeý júrgizilýde. Onyń Elorda aýmaǵynda buryn jasalǵan uqsas qylmystarǵa qatystylyǵy tekserilip jatyr.
