Egde jastaǵy múgedekter úshin arnaıy áleýmettik qyzmet kórsetýdiń ınnovatsııalyq modelderin daıarlaý qarastyrylyp otyr

A. Qarashanyń 23-i. QazAqparat /Rýslan Ǵabbasov/ - Úkimettik emes uıymdarmen birlese otyryp egde jastaǵy múgedekter úshin  arnaıy áleýmettik qyzmet kórsetýdiń ınnovatsııalyq modelderin daıarlaý qarastyrylyp otyr. Bul týraly búgin Astanada IV Azamattyq forým barysynda Eńbek jáne halyqty áleýmettik qorǵaý mınıstri Gúlshara Ábdiqalyqova málim etti,

 dep habarlaıdy QazAqparat.

Onyń aıtýynsha, múmkindigi shekteýli adamdar  quqyqtaryn qamtamasyz etý jáne ómir súrý sapasyn jaqsartý boıynsha uzaq merzimdi ýaqytqa  úkimettik emes uıymdarmen birlese Ulttyq jospardy ázirleý turǵysynda jumystar josparlanǵan.

 «Sonymen birge egde jastaǵy múgedekter úshin  arnaıy áleýmettik qyzmet kórsetýdiń ınnovatsııalyq modelderin daıarlaýda ÚEU-men jumys isteýde  bizdiń tarapymyzdan qyzyǵýshylyq týyndap otyr»,-dedi G. Ábdiqalyqova.

Atap aıtqanda, memlekettik tapsyrys aıasynda atalǵan maqsattarǵa aldaǵy úsh jylǵa 23 mıllıon teńgeden astam qarjy bólý josparlanǵan.