Egde jastaǵy adamdarda qaterli isik baıaý damıdy – onkolog

ALMATY. KAZINFORM – Qaterli isik jastarǵa qaraǵanda qart kisilerde baıaý damıdy. Bul týraly Kazinform tilshisine almatylyq onkolog aıtty. 

Qazaq onkologııa jáne radıologııa ǵylymı-zertteý ınstıtýtynyń strategııalyq jáne ınvestıtsııalyq damý bóliminiń meńgerýshisi Alma Jylqaıdarovanyń aıtýynsha, bul qaterli isik aýrýynyń klassıkalyq túrlerine ǵana tán.

– Egde jastaǵy adamdarda qaterli isik baıaý damıdy. Óıtkeni, qart kisilerde qaterli isiktiń klassıkalyq túri jıi kezdesedi. Bul uzaq damıdy. ıAǵnı, jasy ulǵaıǵan adamdarda obyr aýrýy basqa dertiniń asqynýynan nemese jas kezindegi jaraqatynan paıda bolýy múmkin. Mysaly, egde jastaǵy naýqastarda sút bezi jáne teri qaterli isigi, prostata obyry aǵzada uzaq ýaqyt damıdy jáne qashyqtaǵy metastazsyz birtindep ósedi, - deıdi dáriger.

Sondaı-aq ol jas aǵzada jasýshalardyń bóliný jyldamdyǵy tez júretinin tilge tıek etti. 

– Iá, ókinishke qaraı, jastarda klassıkalyq forma emes. Sondyqtan metastazdar paıda bolyp, qaterli isik tez ósedi. Adamdarda biz árqashan bile bermeıtin basqa da faktorlar bar, biraq jastarda kóbine qaterli isiktiń agressıvti formalary kezdesedi. Sol sebepti erler men áıelderdi jyl saıynǵy dıspanserleýdi 18 jastan bastaý kerek. Bul aǵzadaǵy qatar júretin aýrýlardy ǵana emes, sonymen qatar onkologııalyq aýrýlardyń damýyn erte anyqtap, ony toqtatýǵa kómektesedi, - deıdi Alma Jylqaıdarova.

Osyǵan deıin qazaqstandyqtar qaterli isiktiń qaı túrinen jıi kóz jumatyny týraly jazǵan edik.