Egde qytaılyq bar jıǵan-tergenin ıtine amanat etip qaldyrdy
ASTANA. QazAqparat - Harbın qalasynyń turǵyny Van Tszıýný jergilikti janýarlar úıine habarlasyp, jınaǵan aqshasyn (80 myń ıýan) janýarlar úıine berýge amanat jazyp qaldyrǵanyn aıtqan.
71 jastaǵy er adam bul qarajatty «Erfý» esimdi ıtiniń «zeınetaqysy» retinde qoldanýdy ótingen, dep jazdy ria.ru.
Basylymnyń habarlaýynsha, janýar egde adamnyń jalǵyz serigi: onyń uly alty jasynda kólik apatynan qaza tapqan, áıeli aýyryp qaıtys bolǵan. Van Tszıýný «Erfý» esimdi ıtin kúshik kezinde asyrap alǵan.
Sonymen qatar, basylym ıttiń ıesine adal ekenin, únemi birge júretinderin jáne onyń qasyna eshkimdi jolatpaıtynyn jazýda.
Janýarlar úıi ákimshiligi tórt aıaqtyǵa qaraýǵa kelisim berdi, biraq zeınetkerdiń aqshasyn alýdan bas tartty.
