Efıopııanyń soltústiginde avtobýs apatqa ushyrap, kem degende 25 adam qaza tapty

ASTANA. KAZINFORM - Beısenbi kúni Efıopııanyń soltústiginde bolǵan jol apatynan keminde 25 adam qaza taýyp, 29 adam jaraqat aldy. Oqıǵany jergilikti bılik rastady, dep habarlaıdy Sınhýa. 

Soltústik Vollo aımaǵynyń qoǵammen baılanys keńsesiniń málimdemesine sáıkes, Amhara aımaǵyndaǵy Davýnt okrýginde qoǵamdyq avtobýs aýdarylyp, 25 adamnyń ómirin qıdy.

Sondaı-aq apattan 14 adam aýyr, taǵy 15 adam jeńil jaraqat aldy. Jergilikti bıliktiń habarlaýynsha, qazir zardap shekkenderge jaqyn mańdaǵy medıtsınalyq mekemelerde kómek kórsetilip jatyr.

Jan basyna shaqqandaǵy kólikke ıelik etýdiń óte tómen deńgeıine qaramastan, Efıopııada jol-kólik oqıǵalary salystyrmaly túrde jıi kezdesedi. Jol-kólik oqıǵasynyń jıileýine joldyń nasharlyǵy, kólikti abaısyz júrgizý jáne qaýipsizdik erejelerin saqtamaý, sondaı-aq júrgizýshi kýáligi júıesiniń jetilmegendigi sebep bolatyny aıtylyp otyr.