Efıopııalyq Genzebe Dıbaba 1500 m qashyqtyqqa júgirýden álemdik rekordty jańartty
ASTANA. QazAqparat - Efıopııalyq Genzebe Dıbaba Monakoda (Frantsııa) ótip jatqan jeńil atletıka boıynsha «Gaýhar lıganyń» 10 kezeńinde 1500 m qashyqtyqqa júgirýden álemdik rekordty jańartty.
Onyń nátıjesi - 3 mınýt 50,07 sekýnd.
Osyǵan deıingi rekordty 1993 jyly 11 qyrkúıekte qytaılyq Tsıýı ıÝnsıa (3.50,46) ornatqan bolatyn.
Ekinshi orynǵa gollandııalyq Sıfan Hassan (3.56,05), úshinshi orynǵa amerıkalyq Shennon Roýberı (3.56,29) ıe boldy.
24 jastaǵy Dıbaba - 1500 m (2012) jáne 3000 m (2014) qashyqtyqtarda júgirýden eki márte álem chempıony. Ol úsh dúrkin olımpıada chempıony Tırýnesh Dıbabanyń týǵan sińlisi jáne eki dúrkin olımpıada chempıony Derartý Týlýdyń nemere sińlisi.
