Efıopııada tótenshe jaǵdaı jarııalandy
NUR-SULTAN. QazAqparat - Efıopııa úkimeti 6 aıǵa tótenshe jaǵdaı jarııalady, dep habarlaıdy QazAqparat Reuters-ke silteme jasap.
Bul týraly Efıopııa úkimeti qoǵammen baılanys qyzmetiniń basshysy Legess Týlý men ádilet mınıstri jáne bas prokýror Gıdeon Tımotıos málimdedi.
Mundaı habarlama premer-mınıstr Abıı Ahmed azamattardy ózderin «Tygraıdy azat etýdiń halyqtyq maıdanynan» qorǵaný úshin qoldaryna qarý alýǵa shaqyrǵannan keıin 2 kún ótken soń jasaldy.
Agenttiktiń málimetinshe, bul shara el astanasy Addıs-Abebanyń soltústigindegi Amhara aımaǵyndaǵy Dessııa jáne Kombolcha qalalarynyń aınalasyndaǵy jaǵdaıǵa baılanysty oryn alyp otyr.
Efıopııa bıligi men Tygraı bıligindegi solshyl partııa «Tygraıdy azat etýdiń halyqtyq maıdany» (TPLF) arasyndaǵy qarýly qaqtyǵys 2020 jyldyń 4 qarashasynda bastaldy. Oqıǵa Efıopııa úkimetiniń TPLF-ti eldiń Qarýly kúshteriniń áskerı bazasyna shabýyl jasady dep aıyptaýynan boldy.
BUU málimetteri boıynsha, qaqtyǵys saldarynan ondaǵan myń adam Efıopııadan Sýdanǵa qashyp ketken. Uıym birneshe ret Efıopııanyń Tygraı aımaǵy turǵyndaryn sońǵy onjyldyqta buryn-sońdy bolmaǵan asharshylyq aldynda turǵanyn habarlaǵan bolatyn.
