Efıopııada separatıster 150 beıbit turǵyndy óltirdi
PRETORIıA. QazAqparat – Sońǵy aptada Efıopııanyń batysynda «Oromony azat etý áskeri» separatıstik tobynyń sodyrlary kem degende 150 adamdy óltirdi. Bul týraly beısenbi kúni Reuters agenttigi Efıopııanyń adam quqyǵy jónindegi komıssııaǵa silteme jasap málim etti, dep habarlaıdy QazAqparat.
Komıssııanyń aıtýynsha, separatısterdiń qarýly toby Oromııa shtatynyń batysyndaǵy Djıda Kıremý aýdanynyń turǵyndaryna shabýyl jasaǵan.
«Oromony azat etý áskeri» separatıstik toby ádette ózdigimen áreket etedi. Olardyń maqsaty – Efıopııanyń Oromııa shtatyn táýelsiz etý. Federaldyq bılik «Oromony azat etý áskerin» terrorıstik uıym dep jarııalady.
