Efıopııada kóshkin saldarynan keminde 70 adam qaza tapty

ASTANA. KAZINFORM – Efıopııanyń ońtústiginde jaýǵan nóser jaýyn saldarynan kóshkinder paıda bolyp, keminde 70 adam qurban bolyp, shamamen 50 adam habar-osharsyz ketken, dep habarlaıdy Azertag.

Jergilikti bılik ókilderiniń habarlaýynsha, apat Gamo aımaǵyndaǵy Gacha-Baba, Kamba jáne Bonke aýdandarynda bolǵan. Qurban bolǵandardyń basym bóligi topyraq úıindisiniń astynda qalǵan. Qutqarýshylardyń bireýin aman alyp qalýdyń múmkindigi týdy.

Elde jańbyr maýsymy jalǵasyp jatyr. Osy kezeńde sel men sý tasqyny jıi tirkeledi. Eki jyl buryn ońtústiktegi kókin saldarynan 229 adam qaza tapqan edi.

Sońǵy kúnderi qatty jaýyn-shashyn Shyǵys Afrıkanyń basqa elderin de qamtydy. Kórshiles Kenııada ótken juma kúni Naırobıdegi qatty nóserden ondaǵan adam qaza tapty.

Sońǵy 20 jylda Shyǵys Afrıkada ekstremaldy qurǵaqshylyq pen qatty jaýyn-shashynnyń jıileýi adam áreketinen týyndaǵan klımattyń ózgerýimen baılanysty bolýy múmkin ekenin birqatar zertteýler kórsetip otyr.

Osyǵan deıin Brazılııada laı kóshkinnen 22 adam kóz jumǵany týraly jazdyq.