Efıopııada avtobýs pen júk kóligi soqtyǵysyp, 9 adam qaza tapty

ASTANA. KAZINFORM — Efıopııanyń ortalyǵynda jolaýshylar avtobýsy júk kóligimen soqtyǵysyp, 9 adam qaza tapty. Taǵy birneshe adam jaralandy, dep jazdy Sınhýa agenttigi. 

Oqıǵa eldiń eń úlken aımaǵy Oromııanyń Shoa provıntsııasynda bolǵan.

Jergilikti qoǵammen baılanys keńsesiniń málimetinshe, medıtsına qyzmetkerleri mingen avtobýs qarsy baǵytta kele jatqan júk kóligimen soqtyǵysqan.

Qaıtys bolǵandardyń 7-ýi medıtsına qyzmetkeri, taǵy 8 qyzmetker jaraqat aldy. Onyń úsheýiniń jaǵdaıy aýyr. Qazir zardap shekkenderge jaqyn mańdaǵy medıtsınalyq mekemelerde kómek kórsetilip jatyr. 

Jalpy avtobýsta 28 adam bolǵan, olardyń kópshiligi aımaqtaǵy medıtsınalyq ortalyqtardyń qyzmetkerleri. Olar Haramaıa ýnıversıtetine kásiptik oqytý baǵdarlamasyna qatysý úshin bara jatqan. 

Aıta keteıik, Aqtóbede eki kólik soqtyǵysyp, 12 adam qaza tapty.

Bul jol-kólik oqıǵasynda kimniń kináli ekeni aıtyldy.

Jol apatyna qatysty tergeý jóninde úkimettik komıssııa quryldy.