Efıopııada apatqa ushyraǵan ushaqta qazaqstandyqtar joq - QR SІM
ASTANA. QazAqparat - Efıopııada apatqa ushyraǵan ushaqtyń ishinde qazaqstandyqtar bolmaǵan. Bul týraly QR SІM resmı ókili Aıbek Smadııarov málim etti, dep habarlaıdy QazAqparat tilshisi.
«Efıopııadaǵy ushaq apaty saldarynan 33 memlekettiń azamaty qaza tapty. Olardyń ishinde Qazaqstan azamaty joq. Ózderińiz biletindeı, Memleket basshysy Nursultan Nazarbaev Efıopııa Prezıdentine kóńil aıtý joldaý hatyn jiberdi», - dedi Aıbek Smadııarov QR SІM-de ótken baspasóz máslıhatynda.
Eske sala keteıik, Efıopııada Ethiopian Airlines áýe kompanııasynyń Naırobıge bara jatqan ushaǵy apatqa ushyraǵandyǵy týraly buǵan deıin habarlaǵan bolatynbyz.
Sondaı-aq, ushaqta BUU 19 qyzmetkeri bolǵan.
Qaıǵyly jaǵdaıǵa baılanysty Qazaqstan Prezıdenti búgin Nursultan Nazarbaev Efıopııa Federatıvtik Demokratııalyq Respýblıkasynyń Prezıdenti Sahle-Vork Zeýdege kóńil aıtý jedelhatyn joldady.
