Efıopııada 157 adamy bar ushaq apatqa ushyrady
ASTANA. QazAqparat - Efıopııada Ethiopian Airlines áýe kompanııasynyń Naırobıge bara jatqan ushaǵy apatqa ushyrady, dep habarlaıdy «QazAqparat» HAA TASS agenttigine silteme jasap.
Ushaq bortynda 149 jolaýshy jáne segiz ekıpaj múshesi bolǵan.
«Apat 08:44-te boldy», - dep málimdegen kompanııanyń ókili.
Áýe kompanııasynyń resmı saıty taratqan aqparatqa sáıkes, ushaqta jalpy 157 adam bolǵan, sonyń 149-y - jolaýshy.
«Aldyn ala taratylǵan aqparattar boıynsha, ushaq bortynda 149 jolaýshy jáne segiz ekıpaj múshesi bolǵan. Qazir jolaýshylardyń tizimin anyqtap jatyrmyz» delingen habarlamada.
Boeing 737 laıneri Naırobıge bara jatqanda Oromııa óńirinde, Debre-Zeıt eldi mekeniniń mańynda apatqa ushyraǵan.
