Efıopııa saılaý qarsańynda adam quqyqtaryna qatysty synǵa ushyrap otyr
ASTANA. KAZINFORM — 1 maýsymda Efıopııada jetinshi ulttyq saılaý ótedi. Alaıda eldegi ishki qaqtyǵystar men adam quqyqtarynyń jappaı buzylýyna baılanysty sarapshylar saılaýdyń zańdylyǵyna kúmán keltirdi, dep habarlaıdy Al Jazeera.
2018 jyly bılikke kelgennen keıin premer-mınıstr Abıı Ahmed demokratııalyq reformalar júrgizýge ýáde bergen edi. Degenmen keıin elde uzaqqa sozylǵan qarýly qaqtyǵystar bastaldy.
Tygraı, Amhara jáne Oromııa aımaqtaryndaǵy qaqtyǵystar saldarynan júzdegen myń adam qaza taýyp, áskerı qylmystar men sotsyz jazalaý faktileri tirkelgen.
Bılik tarapynan qysym kúsheıip, jýrnalıster, quqyq qorǵaýshylar men oppozıtsııa ókilderi elden ketýge nemese túrmege qamalýǵa májbúr bolǵan. Sarapshylar sóz bostandyǵy men beıbit jınalý quqyǵynyń edáýir shektelgenin atap ótip otyr.
Halyqaralyq qaýymdastyq Efıopııany naqty reformalar júrgizýge jáne saıası dıalogty kúsheıtýge shaqyrady. Mamandardyń pikirinshe, negizgi azamattyq quqyqtar qamtamasyz etilmese, aldaǵy saılaý tek formaldy shara retinde baǵalanýy múmkin.
Budan buryn Qasym-Jomart Toqaev Taıe Atske-Selassıeni Efıopııanyń Ulttyq kúnimen quttyqtap, Efıopııa — Qazaqstannyń Afrıka qurlyǵyndaǵy senimdi ári mańyzdy seriktesteriniń biri ekenin aıtty.
