EESQ elderi men Jańa Zelandııa Kedendik Odaqpen erkin saýda aımaǵyn qurýǵa nıetti

ASTANA. QazAqparat - Eýropalyq erkin saýda qaýymdastyǵy elderi men Jańa Zelandııa Kedendik Odaqpen erkin saýda aımaǵyn qurýǵa nıetti. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde QR Ekonomıka jáne bıýdjettik josparlaý mınıstrligi syrtqy saýda qyzmetin damytý departamenti dırektorynyń qyzmetin atqarýshy Álııa Álimbetova málim etti.

"Búgingi tańda biz Kedendik Odaq elderimen birlese otyryp, Vetnammen, Jańa Zelandııamen, EESQ-ǵa múshe Shveıtsarııa, Norvegııa, Islandııa jáne Lıhtenshteın memleketterimen erkin saýda aımaǵyn qurý boıynsha jumystardy atqarýdamyz", - dep atap ótti ol.

Ekonomıka mınıstrliginiń habarlaýynsha, Kedendik Odaqtyń úshinshi bir memlekettermen erkin saýda qatynasyn ornatý Qazaqstannyń básekelestik basymdyqtaryn odan ári kúsheıte túspek. Sonymen qatar ol otandyq jáne shetel kásipkerleriniń farmatsevtıka, ónerkásiptik ınjınırıng salasynda áriptestik júrgizýge, sondaı-aq tehnologııa transfertine yqpal etedi.