EEO týraly kelisim Qazaqstannyń syrtqy ekonomıkalyq saıasatyn uzaq merzimge aıqyndaıdy
ASTANA. 13 qańtar. QazAqparat - 2014 jyly Eýrazııalyq ekonomıkalyq odaq týraly kelisim boıynsha jumystardy aıaqtaý josparlanýda. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi baspasóz máslıhatynda QR Ekonomıka jáne bıýdjettik josparlaý vıtse-mınıstri Tımýr Jaqsylyqov málim etti.
«Bul - óziniń kólemi boıynsha óte aýqymdy qujat. Onda 800-ge jýyq bet qamtylmaq. Kedendik odaq pen BEK aıasynda bekitilgen 90-ǵa tarta halyqaralyq kelisimder kodıfıkatsııalanady», - dedi T. Jaqsylyqov.
Vıtse-mınıstrdiń sózine qaraǵanda, bul qujat Qazaqstannyń syrtqy ekonomıkalyq saıasatynyń negizin kóp jyldarǵa aldyn ala aıqyndaıdy.
