EEO men BAÁ aldaǵy aılarda erkin saýda týraly kelisimge qol qoıady

ASTANA. KAZINFORM – Birikken Arab Ámirlikteri men Eýrazııalyq ekonomıkalyq odaq (EEO) eki-úsh aıdyń ishinde erkin saýda aımaǵyn qurý týraly kelisim jasasýy múmkin.

Bul týraly Ábý-Dabıdegi reseılik jármeńkeniń ashylýynda Birikken Arab Ámirlikteriniń syrtqy saýda máseleleri jónindegi memlekettik mınıstri Tanı ben Ahmed ál-Zeıýdı málimdedi, dep habarlaıdy TASS.

Mınıstrdiń aıtýynsha, kelisim boıynsha jumys bir jarym jylǵa jýyq ýaqytty alǵan. Onyń aıtýynsha, erkin saýda aımaǵyn qurý taýar aınalymynyń odan ári ósýine yqpal etedi. Ál-Zeıýdı BAÁ úkimetinde memleketaralyq ekonomıkalyq kelisimderdiń daıyndalýyn qadaǵalaıdy. 

BAÁ men EEO arasynda erkin saýda aımaǵy týraly kelissózder 2023 jyldyń naýryzynda bastaldy. Osy ýaqyt ishinde taraptar konsýltatsııalardyń birneshe raýndyn ótkizdi.

2024 jyldyń jeltoqsanynda ál-Zeıýdı men Eýrazııalyq ekonomıkalyq komıssııanyń (EEK) Saýda mınıstri Andreı Slepnev ekonomıkalyq áriptestik týraly kelisim jasaý boıynsha kelissózder aıaqtalǵanyn jarııalady.

Buǵan deıin Eýrazııalyq ekonomıkalyq komıssııanyń Saýda mınıstri Andreı Slepnev BAÁ men EEO arasyndaǵy kelisimdi daıyndaý boıynsha kelissózder aıaqtalǵanyn málimdegen.