EEO elderinde benzın baǵasy ósti

2023 jyly Eýrazııalyq ekonomıkalyq odaqqa múshe memleketterde benzın 7 paıyzǵa, dızel otyny 9 paıyzǵa, elektr energııasynyń tutyný baǵasy 0,3 paıyzǵa ósken. Bul týraly uıymnyń resmı saıtynda habarlandy.

2023 jyldyń jeltoqsan aıyndaǵy jyldyq kórsetkishterge sáıkes, EEO-da avtomobıl benzıniniń baǵasy 10,6 paıyzǵa, dızel otynynyń baǵasy 10,1 paıyzǵa, elektr energııasynyń baǵasy 10,2 paıyzǵa qymbattaǵan.

Olardyń ishinde Armenııa benzın baǵasynyń ósýi boıynsha kósh bastap tur. Bul eldegi benzın baǵasy bir jylda 24,3 paıyzǵa ósti. Qazaqstanda benzın baǵasy 13,7 paıyzǵa, dızel otynynyń baǵasy 15,2 paıyzǵa qymbattaǵan. Reseıde bul kórsetkish 10 paıyzdy quraıdy.

EEO derekteri boıynsha 2023 jylǵy jeltoqsanda benzınniń ortasha baǵasy mynadaı boldy (1 lıtrge):

Armenııada – $1,39;
Belarýste – $0,73;
Qazaqstanda – 0,44 dollar;
Qyrǵyzstanda – 0,71 dollar;
Reseıde - 0,60 dollar.