EEO aýmaǵynda jeke taýarlardy bajsyz alyp júrý ýaqyty uzardy

ASTANA. QazAqparat - Eýrazııalyq ekonomıkalyq odaqtyń kedendik aýmaǵyna ákelinetin jeke paıdalanýǵa arnalǵan taýarlardy bajsyz kirgizýdiń joǵary sheginiń qoldanylýy uzardy. Bul týraly Memleketti kirister komıteti málimdedi, dep habarlaıdy QazAqparat.

Eýrazııalyq ekonomıkalyq komıssııa keńesiniń 2022 jylǵy 23 qyrkúıektegi №151 sheshimimen osy keńestiń «Jeke paıdalanýǵa arnalǵan taýarlarmen baılanysty jekelegen máseleler týraly» 2017 jylǵy 20 jeltoqsandaǵy №107 sheshiminde kózdelgen jeke paıdalanýǵa arnalǵan taýarlardy bajsyz ákelýdiń ulǵaıtylǵan sheginiń qoldanylýy 2023 jylǵy 1 sáýirge deıin uzartyldy.

Osy sheshimmen 2023 jylǵy 1 sáýirge deıin bajsyz ákelý shegi quny 1000 eýroǵa balamaly somadan jáne salmaǵy 31 kg-nan aspaıtyn jeke paıdalanýǵa arnalǵan taýarlarǵa qatysty qoldanylatyny anyqtaldy:

- tasymaldaýshy jetkizetin nemese halyqaralyq poshta jóneltilimderinde jiberiletin;

- alyp júretin jáne (nemese) alyp júrmeıtin bagajda áýe nemese jaıaý tártipten basqa kólik túrlerimen ákelinedi.

Eýrazııalyq ekonomıkalyq komıssııa keńesiniń 2022 jylǵy 23 qyrkúıektegi №151 sheshimi 2022 jylǵy 10 qazannan bastap kúshine enedi (Eýrazııalyq ekonomıkalyq komıssııanyń resmı saıtynda 2022 jylǵy 30 qyrkúıekte jarııalanǵan).

Kórsetilgen kezeńde tasymaldaýshy jetkizetin, halyqaralyq poshta jóneltimderinde jiberiletin, alyp júretin jáne (nemese) alyp júrmeıtin bagajda áýeden basqa kólik túrlerimen ákelinetin jeke paıdalanýǵa arnalǵan taýarlar 1000 eýro jáne 31 kg sheginde kedendik tólemder men salyq salýǵa jatpaıdy.

Foto: xabardor.uz