EEK-tiń Tsıfrlyq jobalaý keńsesi Astanaǵa kóshiriledi

ASTANA. QazAqparat - Eýrazııalyq ekonomıkalyq komıssııanyń Tsıfrlyq bastamalardy iske asyrý jónindegi jobalaý keńsesi Astanaǵa kóshiriledi. Bul týraly búgin Astana Finance Days sessııasynda Eýrazııalyq ekonomıkalyq komıssııa alqasynyń tóraǵasy Tıgran Sarkısıan aıtty, dep habarlaıdy QazAqparat tilshisi.

«Eýrazııalyq odaq úshin ortalyqtyń  qarjylyq tehnologııalarmen («Astana» halyqaralyq qarjy ortalyǵy- avt.) jumys baǵyty perspektıvaly sanalatyndyǵyn atap ótkim keledi. Ortalyq bazasynda qarjylyq tehnologııalardy ázirleýshilerdi birden shoǵyrlandyrý logıkaǵa syıymdy ári keleshegi zor sheshim bolar edi. Buǵan qosa, Qazaqstan Prezıdenti Nursultan Nazarbaevtyń bastamasymen Eýrazııalyq ekonomıkalyq komıssııanyń tsıfrlyq jobalaý keńsesin Astanaǵa kóshirý múmkinshiligin talqylap jatyrmyz», - dedi ol.

Onyń paıymynsha, bul qarjylyq tehnologııalar bóliginde, sondaı-aq Astanany iri óńirlik tsıfrlyq quziret pen qyzmet ortalyǵyna aınaldyrýda da barynsha ózekti ári maqsatqa saı  keledi.

«Biz qazirdiń ózinde Halyqaralyq qarjy ortalyǵymen jumys bastap kettik. Búgin Eýrazııalyq ekonomıkalyq komıssııa men qarjy ortalyǵy arasyndaǵy yntymaqtastyq týraly sáıkesinshe memorandýmǵa qol qoıylady»,- dedi Tıgran Sarkısıan.