EEK taǵamdyq qospalarǵa qoıylatyn talaptardy bekitti
«Keden odaǵynyń «Taǵamdyq qospalar, hosh ıistendirgishter jáne tehnologııalyq qosalqy quraldar qaýipsizdigi talaptary» tehnıkalyq reglamentine (TR TS 029/2012) ózekdirilgen standarttar tizbesi bekitildi. Olar EEK alqasynyń 2012 jylǵy 2 qazandaǵy №258 sheshimimen bekitilgen standarttar tizbesiniń ornyn almastyrady», - delingen EEK baspasóz qyzmetiniń habarlamasynda.
№1 standarttar tizbesine emýlgatorlar, jyltyratqysh, qoıýlandyrǵysh sııaqty naqty azyqtyq qospalarǵa qatysty normalardy belgileıtin qujattar engizildi.
2019 jylǵy 1 qańtardan bastap azyq-túlik quramyndaǵy qorǵasyn, kadmıı, myrysh, mys jáne temir mólsherin anyqtaýdyń jańa ádisteri qoldanysqa engizilýi tıis. Kondıterlik ónimderge benzoı qyshqylynyń massalyq úlesin anyqtaý ádisin, et ónimderine lımon, sorbın jáne benzoı qyshqyldaryn tıimdiligi joǵary suıyqtyq hromotografııasy ádisimen anyqtaý tártibin engizý josparlanýda.
