EEK men DDU yntymaqtastyq jóninde ýaǵdalasty

 ASTANA. QazAqparat - Eýrazııalyq ekonomıkalyq komıssııa (EEK) men Dúnıejúzilik densaýlyq saqtaý uıymy (DDSU) ózara yntymaqtastyqta qyzmet etý jóninde ýaǵdalasty, dep habarlaıdy QazAqparat EEK baspasóz qyzmetine silteme jasaı otyryp.

Dárilik preparattardyń sapasyna basty talap retinde Eýrazııalyq ekonomıkalyq odaqtyń farmokopeıasy - Dúnıejúzilik densaýlyq saqtaý uıymynyń, ıaǵnı, álemdik farmakopeıa men farmokopeıalyq organdardyń tizimine óńirlik sapa standarty retinde engiziledi. Bul týraly EEK alqasynyń múshesi (mınıstri) Valerıı Koreshkov pen DDSU-nyń basty medıtsınalyq quraldar men medıtsınalyq ónimder departamentiniń dırektory Sıýzann Hıll DSSU-nyń shta-páterinde (Jeneva, Shveıtsarııa) sóz etti.

EEK mınıstri sonymen qatar Halyqaralyq farmatsevtıkalyq óndirýshiler men qaýymdastyqtar keńesi májilisinde sóz sóılep, ІSN hatshylyǵynyń dırektory Dona Ronanmen kezdesti. Sıýzann Hıll DSSU-nyń EEK-pen dári-dármekter naryǵyn damytý baǵytynda yntymaqtastyq ornatýǵa jáne Farmokopeıanyń Odaqty óńir retinde moıyndaýǵa múddeli ekendigin málim etti.

Taraptar yntymaqtastyq josparyn daıyndaýǵa kiristi.