EEK Qytaı men Ýkraınadan ákelinetin birqatar metall ónimderine antıdempıngtik baj salyǵyn engizdi

ASTANA. QazAqparat - EAEO aýmaǵynda Qytaı men Ýkraınadan ákelinetin keıbir metall ónimderi túrlerine antıdepıngtik baj salyǵy salynatyn bolady, dep habarlaıdy «QazAqparat» HAA.

Komıssııanyń baspasóz qyzmeti taratqan málimetke qaraǵanda, Eýrazııalyq ekonomıkalyq komıssııa alqasy 11 mamyrda ótken otyrysta  Qytaı men Ýkraınadan tasymaldanatyn keıbir metall ónimderi túrlerine qatysty antıdempıngtik sharalar qabyldaý týraly sheshim shyǵardy.

EEK Eýrazııalyq ekonomıkalyq odaqtyń keden aýmaǵyna Ýkraınadan tasymaldanatyn bolattan jasalǵan buryshtama ónimine  37,89 % kóleminde  antıdempıngtik baj belgiledi. Antıdempıngtik bajdyń merzimi tórt aı. Kedendik odaq elderi bul sheshimdi oryndaýǵa mindetti.