EEK Keıinge qaldyrylǵan taýarlardyń kedendik qunyn anyqtaý tetigin engizý jónindegi sheshimdi ázirleýde

ASTANA. 2 qazan. QazAqparat - Eýrazııalyq ekonomıkalyq komıssııa «Keıinge qaldyrylǵan taýarlardyń kedendik qunyn anyqtaý rásimderin qoldaný tártibin bekitý týraly» EEK Alqasy sheshiminiń jobasyn ázirleýde.

Komıssııada habarlanǵandaı, mundaı qujattyń qajettigi tolyq aqparattyń bolmaýy saldarynan taýarlardyń kedendik qunynyń naqty kólemin anyqtaý barysynda qıyn jaǵdaılardyń bolýyna baılanysty.

Mundaı jaǵdaılar kedendik baqylaý deńgeıi jáne tıimdiligin tómendetpeı, ony rastaýmen baılanysty qosymsha qarjylyq shyǵynsyz ákelinetin taýarlarmen jasalynatyn kelisimder quny negizinde kedendik qundy anyqtaýǵa múmkindik beretin tetikterdi ázirleýdi talap etedi.

Joba kedendik operatsııalar jasaýdy ońtaılandyrý jáne jedeldetý, kedendik baqylaý tıimdiligin arttyrý maqsatynda ázirlenedi jáne maǵlumdalýshy taýarlarǵa qatysty keıinge qaldyrylǵan taýarlardyń kedendik qunyn anyqtaý tetigin engizýdi qarastyrady, sondaı-aq mundaı tetik qoldanylatyn jaǵdaılardy anyqtaıdy.

Taýarlardyń kedendik qunyn anyqtaý kezinde týyndaıtyn barynsha kúrdeli máselelerdiń biri - mundaı somalar týraly tolyq aqparat bolmaǵan jaǵdaıda lıtsenzııalyq jáne basqa da uqsas tólemder somalarynyń kedendik qunyn tirkeýge alý bolyp tabylady.