EEK Keńesi úshinshi eldermen saýda barysyndaǵy kedergilerdi joımaq

MÁSKEÝ. QazAqparat - Máskeýde EAEO-nyń úkimet basshylary orynbasarlarynyń jáne Eýrazııa ekonomıkalyq komıssııasy Alqa tóraǵasy Tıgrıan Sarkısıannyń qatysýymen EEK Keńesiniń otyrysy boldy, dep habarlaıdy QazAqparat tilshisi.

Onda Odaqqa múshe elderdiń ekonomıkasyn tsıfrlandyrý, saýda, ıntegratsııa, Odaqtyń ishki naryǵyndaǵy kedergilerdi joıý, ónerkásiptik kooperatsııalar, energetıka, kedendik jáne tehnıkalyq retteý, sanıtarlyq, veterınarlyq, fıtosanıtarlyq sharalardy qoldaný, t.b. máseleler talqylandy.

Otyrysta ıntegratsııalyq yntymaqtastyqty tereńdetýge baǵyttalǵan jobalardy birlese otyryp ázirleý boıynsha taraptardyń usynystary qaraldy.

EEK Keńesi Úshinshi eldermen ózara saýda jasaýdaǵy tehnıkalyq kedergilerdi joıý sharttary men tártibi týraly kelisimniń jobasy maquldanyp, ár memlekettiń ishinde oǵan qol qoıýǵa qajetti sharalardy júrgizý úshin Odaqqa múshe memleketterge jiberildi.

Qujatta jekelegen sharttardy (kelisimderdi) jasasý arqyly úshinshi eldermen nemese ıntegratsııalyq birlestiktermen saýda jasaýdyń kedergilerin joıý tetikteri qarastyrylǵan. Olar úzdik halyqaralyq tájirıbelerdi eskere otyryp jasalǵan. Sharttar Odaqtyń tehnıkalyq reglamentteri qoldanylatyn ónimge ǵana qatysty jasalady.