EEK Keńesi Qazaqstanǵa shıki qantty bajsyz ákelýdi biraýyzdan qoldady

ASTANA. QazAqparat - 2023 jylǵy 30 naýryzda onlaın formatta ótken EEK Keńesiniń otyrysynda qatysýshylar Qazaqstannyń shıki qantty bajsyz ákelýge usynysyn qoldady, dep habarlaıdy QazAqparat QR Saýda jáne ıntegratsııa mınıstrliginiń baspasóz qyzmetine silteme jasap.

Tarıftik jeńildiktiń arqasynda otandyq qant zaýyttary óz qýattylyqtaryn júkteý úshin baj tólemeı shıkizat satyp alýǵa múmkindik alady, bul saıyp kelgende daıyn ónimniń baǵasyna oń áser etedi. Qazaqstandyq tarapty Premer-Mınıstrdiń orynbasary–saýda jáne ıntegratsııa mınıstriniń m.a. Serik Jumanǵarın basqardy.

«Ótken jyldardaǵy tájirıbe kórsetkendeı, qazaqstandyq naryqtyń 90%-yn qamtyǵan kórshi elderden jetkizilgen qant túrli faktorlarǵa ushyraıdy jáne turaqsyz», — dedi EEK otyrysynda saýda jáne ıntegratsııa vıtse-mınıstri Janel Kýshýkova.

«Bizdiń elimiz óziniń qant ónerkásibin damytý týraly sheshim qabyldady, ol úshin qazir óz shıkizatynyń jetkilikti kóleminiń bolmaýyna baılanysty bizge úshinshi elderden shıkizat ákelý qajet».

EEK Keńesinde bekitilgen shıkizatty bajsyz ákelýge arnalǵan tarıftik kvota osy jyldyń aldaǵy 9 aıyna 350 myń tonnany quraıdy. Taraptar kúzde osy máselege qaıta oralýǵa jáne qajet bolǵan jaǵdaıda jańa egindi eskere otyryp, kvota kólemin qaıta qaraýǵa ýaǵdalasty.

Qazirgi ýaqytta «aınalym shemasy» aıasynda oblys ákimdikteri qant zaýyttaryna shıkizatty ýaqytyly satyp alý, ishki tutyný úshin jetkilikti kólemde jáne turaqty baǵamen qant óndirýge múmkindik beretin qýattardy jańǵyrtý úshin 18 mlrd teńge bóldi.