EEK Keńesi Qazaqstanǵa salyqsyz taýar tasymaldaý merzimin uzartty

NUR-SULTAN. QazAqparat - Eýrazııalq ekonomıkalyq komıssııa Keńesi koronavırýstyń taralýynyń aldyn alý úshin qoldanylatyn taýarlardy salyqtan bosatý merzimin uzartý jónine sheshim qabyldady.

Bul týraly «QazAqparat» HAA Eýrazııalyq ekonomıkalyq komıssııasynyń baspasóz qyzmetine silteme jasap habarlaıdy.

Jeńildikti tarıfter 2022 jyldyń 30 maýsymynan bastap iske qosylady. Naqty aıtqanda, Eýrazııalyq ekonomıkalyq odaq aýmaǵyna dári-dármek pen dezınfektsııalaý quraldaryn daıyndaýǵa arnalǵan keıbir komponentterdi, medıtsınalyq prepartattar men respıratorlar, qorǵanys kózildirikteri, rázińke qolǵaptar, medıtsınalyq quraldar men apparatýralardy, sondaı-aq bokstar men patsıentterdi tasymaldaýǵa arnalǵan zembilderdi burynǵydaı salyqsyz kirgize berýge bolady.

«Qazirgi tańda álemdegi epıdemıologııalyq ahýal turaqsyz, sondyqtan Odaqqa múshe memleketter COVID -19 vırýsynyń odan ári taraýyna daıyn bolýy kerek. Sondaı-aq jaǵdaı qalaı qaraı ózgerse de oǵan laıyqty jaýap bere alatyndaı jaǵdaı qalyptastyrý kerek»,-dedi EEO Saýda mınıstri Andreı Slepnev.

Sheshim resmı túrde jarııalanǵan kúnnen keıin 10 kún ishinde kúshine enedi jáne 2021 jyldyń 1 sáýirinen bastalǵan quqyqtyq qatynastarǵa yqpal etedi.